HAMDIYA ROBAYAT BY MIRZA SALAMAT ALI DABEER|حمد یہ رباعیات - مرزا سلامت علی دبیر

حمد یہ رباعیات - مرزا سلامت علی دبیر

HAMDIYA ROBAYAT BY MIRZA SALAMAT ALI DABEER

 

 

یا رب ، خلاّق ماہ و ماہی تو ہے

بخشندہ تاج و تخت شاہی  توہے

بے منّت وبے سوال و نے اِستحقاق

دیتا ہے جوسب کو یا الہی ، تو ہے

*************

پروانے کو دُھن ، شمع کو لَو تیری ہے

عالم میں ہر اک کو تگ ودو تیری ہے

مصباح و نجوم  و  آفتاب  و مہتاب

جس نور کو دیکھتا ہوں ، ضو تیرہے

*************

 

قطرے کو گہر کی آبرو   دیتا ہے

قد سرو کو ، گل کو رنگ و بو دیتا ہے

بیکار تشخّص ہے ، تصنّع بے سود

عزّت وہی عزّت ہے جو تو دیتا ہے

*************

صحرا عدم سے خضر آگاہ نہیں

اس راہ میں ، روح تک بھی ہمراہ نہیں

صحت میں ، مرض میں ، رنج و راحت میں دبیر

بندے کا  کوی سواے اللہ، نہیں

*************

خامہ بھی مری طرح سیہ کار نہیں

یہ مشقِ گناہ کسی کو زنہار نہیں

گر خوف برابری نہ ہو ، صاف کہوں

مجھ سا عاصی ، خدا سا غفار نہیں

*************